हुन्डाईको नयाँ क्रेटा ईभी धनगढीमा सार्वजनिक

हुन्डाईको आधिकारिक विक्रेता लक्ष्मी इन्टरकन्टिनेन्टलले धनगढीमा नयाँ क्रेटा विद्युतीय सवारीसाधन (ईभी) सार्वजनिक गरेको छ। लक्ष्मी समूहअन्तर्गतको दिनेश फोर ह्वील्स धनगढीको सहकार्यमा आयोजित कार्यक्रममा क्रेटा ईभीसँगै हुन्डाईका अन्य नयाँ मोडलहरू पनि प्रदर्शनीमा राखिएका थिए।

ईभी किन्दा स्पेयर पार्ट्सको उपलब्धता, सेवा शुल्क र दीर्घकालीन ब्रान्ड सपोर्टको विषयमा उपभोक्तामा शंका हुने गरेको उल्लेख गर्दै कम्पनीले क्रेटा पेट्रोल (आईसीई) मोडलको उत्पादन नेपालमै सुरु भइसकेको जानकारी दिएको छ। क्रेटा ईभी र आईसीई दुवै मोडल एउटै प्लेटफर्ममा आधारित भएकाले सेवासुविधामा कुनै समस्या नआउने कम्पनीको दाबी छ।

Ads

Ads

Ads

ईभी इकोसिस्टम मजबुत बनाउन लक्ष्मी हुन्डाईले देशभर ‘रि-ल्याक्स’ चार्जिङ स्टेसनको विस्तार गरिरहेको छ। हालसम्म देशका विभिन्न स्थानहरूमा ६६ वटा डीसी र एसी चार्जर स्थापना भइसकेका छन्। कम्पनीले ग्राहकले आईसीई वा ईभी जे सुकै मोडल खरिद गरे पनि सेवा, स्पेयर पार्ट्स र सपोर्टमा कुनै सम्झौता नहुने स्पष्ट पारेको छ।