गोरखापत्र संस्थान, केन्द्रीय कार्यालय धर्मपथ काठमाडौँले स्थानीय समाचार दाता (स्ट्रिङ्गर) नियुक्ति सम्बन्धी सूचना प्रकाशित गरेको छ। संस्थानले काठमाडौँ उपत्यका बाहेकका ७४ जिल्लामा १/१ जना गरी जम्मा ७४ जना र सातै प्रदेशका राजधानीहरू (विराटनगर, जनकपुर, हेटौँडा, पोखरा, देउखुरी, वीरेन्द्रनगर र धनगढी) मा १/१ जना गरी जम्मा ८१ जना समाचार दाता नियुक्त गर्न लागेको हो।
यस पदका लागि शैक्षिक योग्यताको हकमा प्रवीणता प्रमाणपत्र तह (१०+२) उत्तीर्ण गरी कम्तीमा तीन वर्ष पत्रकारिता गरेको, वा एसएलसी/एसईई उत्तीर्ण भई कम्तीमा पाँच वर्ष पत्रकारिता गरेको, वा स्नातक वा स्नातकोत्तर उत्तीर्ण गरी कम्तीमा एक वर्ष पत्रकारिताको अनुभव भएको हुनुपर्नेछ। पत्रकारिता विषय लिई अध्ययन गरेका र मल्टिमिडियामा दखल भएका उम्मेदवारलाई प्राथमिकता दिइने सूचनामा उल्लेख छ। समाचार दाता नियुक्त गर्दा समावेशी सिद्धान्त अनुसार महिला, मधेसी, दलित, अल्पसङ्ख्यक, जनजाति र पछाडि पारिएका वर्ग समुदायलाई प्राथमिकता दिइनेछ।
इच्छुक आवेदकले आफूले काम गर्न चाहेको जिल्ला वा प्रदेश राजधानी खुलाइएको आवेदन, नेपाली नागरिकताको प्रमाणपत्रको प्रतिलिपि, शैक्षिक योग्यता तथा तालिम र अनुभवको प्रमाणपत्रको प्रतिलिपि र वैयक्तिक विवरण (बायोडाटा) पेस गर्नुपर्नेछ। नियुक्त हुने समाचार दाताको पारिश्रमिक संस्थानले तोके बमोजिम हुनेछ र कार्य अवधि बढीमा एक वर्षको हुनेछ। प्रत्येक वर्षको असार मसान्तमा कार्य अवधि समाप्त भएको मानिने व्यवस्था गरिएको छ।
थप सुचनामा:
