बैंकिङ प्रणालीमा अधिक तरलता थुप्रिएपछि नेपाल राष्ट्र बैंकले फेरि निक्षेप संकलन उपकरणमार्फत पैसा खिच्ने भएको छ। केन्द्रीय बैंकले फागुन १९ गते बैंकिङ प्रणालीबाट १०० अर्ब रुपैयाँ तान्ने निर्णय गरेको छ र यसको लागि आज दिउँसो ३ बजे बोलकबोल प्रक्रिया हुने राष्ट्र बैंकले जनाएको छ।
निक्षेप दिन चाहने बैंक तथा वित्तीय संस्थाले न्यूनतम १० करोड रुपैयाँ र अधिकतम ५ करोड रुपैयाँको हिस्सामा भाग गर्दै कुल आह्वान रकमसम्म बोलकबोल गर्न सक्नेछन्। बोलकबोल एकल ब्याजदर वा बहु ब्याजदरमा गर्न सकिने राष्ट्र बैंकले जनाएको छ। यस प्रक्रियामा ‘क’, ‘ख’ र ‘ग’ वर्गका बैंक तथा वित्तीय संस्था मात्र सहभागी हुन पाउनेछन्।
यो ६ दिने निक्षेप संकलन उपकरणको भुक्तानी तथा ब्याज फागुन २५ गते गरिनेछ। पछिल्लो समय कर्जाको माग नबढ्दा बैंकिङ प्रणालीमा तरलता धेरै छ र बैंक तथा वित्तीय संस्थाहरू लगभग ३ प्रतिशत हाराहारीको ब्याजदरमा केन्द्रीय बैंकलाई पैसा राख्न बाध्य भएका छन्।
प्रतिकृया