ऊर्जा, जलस्रोत तथा सिँचाइ मन्त्री विराजभक्त श्रेष्ठले आफ्नो सम्पत्ति विवरण सार्वजनिक गरेका छन्। आइतबार प्रधानमन्त्री तथा मन्त्रिपरिषद् कार्यालयले सार्वजनिक गरेको विवरणअनुसार उनको सम्पत्तिमा घरजग्गा, बैंक मौज्दात, सेयर र सुन–चाँदी उल्लेख्य देखिएको छ।
विवरणअनुसार श्रेष्ठको पैतृक नाममा काठमाडौंका दुई वटा घर रहेको छ। काठमाडौं महानगरपालिका वडा नं २४ मा २ आना र वडा नं १४ मा ४ आना जग्गामा बनेका घर रहेको उल्लेख छ।
उनले १५ तोला सुन र ५० तोला चाँदी रहेको पनि विवरणमा उल्लेख गरेका छन्। त्यसैगरी, मन्त्री श्रेष्ठको विभिन्न कम्पनीहरूमा कुल २० हजार ९७८ कित्ता सेयर रहेको छ, जसको बजार मूल्य करिब १ करोड ४५ लाख ४८ हजार रुपैयाँ रहेको बताइएको छ।
उनले ५० लाख रुपैयाँ ऋण रहेको पनि उल्लेख गरेका छन्। साथै, ल्याण्ड क्रुजर, स्कुटर र इभीसहित तीन वटा सवारी साधन रहेको तथा करिब ३ लाख मूल्यका घडीसमेत रहेको विवरणमा देखिएको छ।
प्रधानमन्त्री र मन्त्रीहरूको सम्पत्ति विवरण सार्वजनिक, कसको कति ?
प्रतिकृया