निर्माण कम्पनीले गल्ति सुधारेर ग्वार्को फ्लाइओभरको काम फेरि सुरु
ग्वार्को फ्लाइओभरको निर्माण कार्य एक महिनाको अवरोधपछि पुनः सुरु भएको छ। निर्माण कम्पनी आशिष समानान्तर रेलिगेर जेभीले त्रुटी सुधार गरेर मंगलबार राति बाट काम सुरु गरेको हो।
सडक विभागका अनुसार, निर्माण कम्पनीले ६ गम्भीर त्रुटी सुधार्ने सहमति जनाएपछि काम पुनः सुचारु भएको हो। फ्लाइओभर निर्माणमा त्रुटीको कारण पुस १८ गतेदेखि काम रोकिएको थियो। निर्माण कम्पनीले र्याम्प वाल सुधारेर मापदण्डअनुसार पुनः निर्माण गर्दैछ।
निर्माण कार्यको लागत १७ करोड ६७ लाख रुपैयाँ हो, र म्याद थपेर आगामी चैत मसान्तसम्म निर्माण सम्पन्न गर्ने भनिएको छ।