भुजुङ्ग हाइड्रोपावरको आईपीओ भोलि बाँडफाँड हुँदै, २५ लाख ८२ हजार लगानीकर्ताको हात खाली हुने

भुजुङ्ग हाइड्रोपावर लिमिटेडको आइपीओ भोलि, माघ २७ गते मंगलबार बाँडफाँड हुने भएको छ। कम्पनीको सेयर निष्काशन तथा बिक्री प्रबन्धक कुमारी क्यापिटल लिमिटेडले भोलि विहान ९ बजे आईपीओ बाँडफाँडको तयारी गरेको छ।

कम्पनीले माघ १२ देखि १५ गतेसम्म खुला गरेको आईपीओमा ३ करोड ७ लाख ८४ हजार ८२० कित्ता सेयरका लागि २६ लाख ६५ हजार १७४ जना लगानीकर्ताले आवेदन दिएका छन्। यसमा ८३ हजार जनाले मात्र गोलाप्रथाबाट १०/१० कित्ताका दरले सेयर पाउनेछन्, जसअनुसार २५ लाख ८२ हजार १७४ जना लगानीकर्ताको हात खाली हुने भएको छ।

कम्पनीले ८ लाख ३० हजार कित्ता सेयर सर्वसाधारण लगानीकर्ताका लागि निष्काशन गरेको हो।