बर्षको अन्तिम कारोबार दिनमा घटेर बन्द भयो बजार

दुई दिन लगातर बढेको सेयर बजार बर्षको अन्तिम कारोबार दिन आज (बुधबार) गिरावट आएको छ । आज सेयरबजार परिसूचक नेप्से १०.७१ विन्दुले घटेर २०२५.३० अंकमा बन्द भएको छ । यस्तै आज बजार घट्दा कारोबार रकममा पनि घटेको छ । हिजो ४ अर्ब बढीको कारोबार भएकोमा आज ३ अर्ब ४८ करोड ५६ लाख ६० हजार रुपैयाँको मात्र सेयर खरिद बिक्रि भएको छ ।

आज तीन सय आठ कम्पनीको ८६ लाख ९६ हजार नौ सय १८ कित्ता सेयर खरिदबिक्री हुँदा रु तीन अर्ब ४८ करोड ५६ लाख ६० हजार छ सय ४० बराबरको कारोबार भएको छ । आज उत्पादन तथा प्रशोधन समूह शून्य दशमलव १३ र व्यापार समूह एक दशमलव ४६ प्रतिशतले बढेको छ भने अरु सबै समूहको उपसूचक घटेको छ । सबैभन्दा धेरै वित्त समूह दुई दशमलव ५० प्रतिशतले घटेको छ । यस्तै  बैंकिङ शून्य दशमलव ०३, विकास बैंक एक दशमलव २५, होटल तथा पर्यटन एक दशमलव ६७, जलविद्युत् शून्य दशमलव ०४ र लगानी शून्य दशमलव ४० प्रतिशतले घटेको छ । जीवन बीमा समूह एक दशमलव २५, लघुवित्त एक दशमलव १५, म्युचुअल फन्ड शून्य दशमलव ७३, निर्जीवन बीमा समूह एक दशमलव ०४ र अन्य समूह शून्य दशमलव ४४ प्रतिशतले घटेको छ ।

Ads

Ads

Ads

आज मान्डु हाइड्रोपावर लिमिटेडको सेयर मूल्य सबैभन्दा धेरै नौ दशमलव ६९ प्रतिशतले बढेको छ । सबैभन्दा धेरै घट्नेमा भने सिंगटी हाईड्रो इनर्जी लिमिटेड रहेको छ जसको सेयर मूल्यमा आज नकारात्मक सर्किट लागेको छ । कारोबार रकमका आधारमा आज सबैभन्दा धेरै हिमालयन रिइन्स्योरेन्स लिमिटेडको रु १२ करोड ५४ लाख ८८ हजार बराबरको सेयर कारोबार भएको छ ।