सेयरबजारका पूर्व अभियन्ता तथा प्रतिनिधि सभा सदस्य हरि ढकाल र प्रधानमन्त्री पुष्पकमल दाहाल प्रचण्ड बीच आज प्रधानमन्त्री कार्यालयमा भेटवार्ता भएको छ। भेटवार्तामा प्रधानमन्त्री दाहालले धितोपत्र वोर्डअध्यक्ष नियुक्ति प्रक्रिया छिट्टै टुङ्ग्याउन अर्थमन्त्रीलाई निर्देशन दिने प्रतिबद्धता व्यक्त गरेको भेटवार्तामा सहभागी लगानीकर्ता गोपाल स्वामीले बजारको चिरफारसँग बताए।
सांसद ढकालले बजार सुधारका लागि केहि समय अघि अर्थमन्त्रीलाई १० बुँदे सुझाव बुझाएका थिए। प्रधानमन्त्री दाहालले सो बारे आफू जानकार भएको र कार्यान्वयन पहल गर्ने बताए। भेटघाटमा सांसद ढकाल र प्रधानमन्त्री दहालबीच अर्थतन्त्र सुधरबारे विविध छलफल भएको स्वामीले जानकारी दिए।
पुस २० यता रिक्त रहेको नेपाल धितोपत्र बोर्डको अध्यक्षका लागि ५ जना सर्ट लिस्ट भएर कार्ययोजना प्रस्तुत गर्ने बेला अर्थमन्त्री वर्षमान पुनको असन्तुष्टि पछि नियुक्ति प्रकृया रोकिएको थियो।
प्रतिकृया