आज नेप्से परिसूचक ३४.२९ अङ्कले बढेर २९५७.७५ मा बन्द भएको छ। अघिल्लो दिन करेक्सनले कारोबार रकम घटेपनि आज भने कारोबार रकम बढेको छ ।आज दिनभरमा २३ अर्ब ४३ करोडको कारोबार भएको छ। साथै, आज १३ उपसमूहहरु मध्ये १० उपसमूह बढेको छ भने ३ उपसमूह घटेको छ। आज बजारको सुरुवातमा केही सामान्य गिरावट आएपनि बन्द हुने क्रममा बढेर बन्द भएको छ।
नेप्से ३४.२९ अंकले बढ्दा सबैभन्दा बढी कसको सेयरमूल्य बढ्यो:
आज सेयरबजार ३४.२९ अंकले बढ्दा १० कम्पनीहरुको सेयर मूल्यमा सकारात्मक सर्किट लागेको छ भने १५६ कम्पनीहरुको सेयरमूल्य बढेको छ। सर्किट लागेर सेयरमूल्य बढ्नेमा सेन्ट्रल फाइनान्स, समृद्धि फाइनान्स, प्रोग्रेसिभ फाइनान्स, मातृभूमि लगुवित्त, एचआइडीसीएल, माउन्टेन हाईड्रोपावर, हिमालयन हाइड्रोपावर, इङवा हाइड्रोपावर, अपर स्याङ्गे हाइड्रोपावर र गुडविल फाइनान्स रहेका छन्।
नेप्से ३४.२९ अंकले बढ्दा कसको सेयरमूल्य सबैभन्दा बढी घट्यो:
आज दिनभरको कारोबारमा ७९ कम्पनीहरुको सेयरमूल्य घटेको छ। दिनभरको सेयर कारोबारमा सबैभन्दा बढी घट्नेमा मन्दाकिनी हाइड्रो, बिन्दबासिनी हाईड्रो, मिड सोलू हाइड्रो रहेका छन ।
प्रतिकृया