साफ वुमन्स च्याम्पियनसिपमा नेपालले भारतलाई हराउँदै पुग्यो फाइनलमा

Ads

नेपालले साफ वुमन्स च्याम्पियनसिपको फाइनलमा प्रवेश गरेको छ। आज राति सम्पन्न सेमिफाइनल खेलमा नेपालले भारतलाई पेनाल्टी सुटआउटमा हराउँदै अन्तिम चरणमा स्थान पक्का गरेको हो।

निर्धारित ९० मिनेटको खेल १–१ को बराबरीमा सकिएपछि खेल पेनाल्टीमा प्रवेश गरेको थियो। पेनाल्टी सुटआउटमा नेपाली गोलरक्षकले भारतका दुई प्रहार रोकेपछि नेपालले जित निकालेको हो। नेपालतर्फका चार खेलाडीले सुटआउटमा गोल गर्दै टिमलाई जित दिलाएका छन्।

Ads

खेलमा ७१औं मिनेटमा भारतले गोल गर्दै अग्रता लिएको थियो, तर नेपालले तुरुन्तै गोल फर्काउँदै खेललाई बराबरीमा ल्यायो। प्रारम्भमा प्रीति राईले गरेको गोललाई रेफ्रीले विवादास्पद ठहर गरेपछि खेल रोकिएको थियो। विवाद समाधानपछि खेल पुनः सुरु भई सावित्रा भण्डारीले बराबरी गोल गरेकी थिइन्।

नेपालले ५१औं मिनेटमा रेखा पौडेलको दोस्रो पहेंलो कार्डपछि १० खेलाडीमा सिमित भएर पनि उत्कृष्ट प्रदर्शन गर्दै भारतलाई हराएको हो। सावित्रा भण्डारीलाई खेलको “प्लेयर अफ द म्याच” घोषित गरियो।

फाइनल खेलमा नेपालले बंगलादेशसँग प्रतिस्पर्धा गर्नेछ। बंगलादेशले सेमिफाइनलमा भूटानलाई ७–१ ले पराजित गर्दै अन्तिम चरणमा स्थान बनाएको हो।