दशैँ अघिको अन्तिम कारोबार दिन सामान्य अङ्कले बढ्यो नेप्से, कस्तो रहला दशैँपछिको यात्रा?

आज नेप्से परिसूचक ४.८५  अंकले बढेर  २६६८.१७ बिन्दुमा बन्द भएको छ। आज १३ उपसमूह मध्ये ९ उपसमूह बढेको छ भने ४ उपसमूह घटेको छ। साथै, सर्वाधिक बढ्ने उपसमूहमा उत्पादन उपसमूह रहेको छ। दिनभर ३ अर्ब ७६  करोडको कारोबार हुँदा सर्वाधिक कारोबार नेपाल फाइनान्सको भएको छ। यस दिन २९४ कम्पनीको ८३ लाख १२ हजार सेयर कारोबार भएको छ्।

आज दशैँ अघिको अन्तिम कारोबार दिन नेप्से परिसूचक सामान्य अङ्कले बढेको छ। पछिल्लो समयको गिरावटपछि केही दिनदेखि बजारमा स्थिरता आएको थियो। यद्यपि, दशैँको माहोलमा रहेका लगानीकर्ताहरूको संलग्नता कम भएकाले कारोबार रकममा कमी देखिएको छ। दशैँपछिको पहिलो कारोबार दिन असोज २९ गतेदेखि बजार पुन: खुल्नेछ, र त्यसपछि बजारमा सकारात्मक रफ्तार आउने सम्भावना उच्च रहेको अनुमान गरिएको छ। लामो समयको गिरावटपछि सेयर मूल्यहरू संस्तिँदै गएका छन्, जसले ठूलो लगानीकर्ताहरूलाई बजारमा पुन: आकर्षित गर्न सक्ने सम्भावना बढाएको छ। विश्लेषकहरूको भनाइ अनुसार दशैँपछिको बजार सकारात्मक रहने अपेक्षा गरिएको छ।