आज नेप्से परिसूचक २०.४१ अंकले घटेर २६४५.३९ बिन्दुमा बन्द भएको छ। आज फाइनान्स र ट्रेडिङ उपसमूह बाहेक सबै उपसमूह घटेको छ। दिनभर ६ अर्ब २७ करोडको कारोबार हुँदा सर्वाधिक कारोबार आइसीएफसी फाइनान्सको भएको छ। यस दिन ३२४ कम्पनीको १ करोड ५७ लाख सेयर कारोबार भएको छ।
आज नेप्से घटेपनि कारोबार रकम भने अघिल्लो दिनको तुलनामा बढेको छ। यस साताको पहिलो दुई कारोबार दिनमा बजार १०५.४३ अंकले घटेर हिजो भने सामान्य अंकले माथि उक्लिएको थियो। तर, आज पुन: बजारमा गिरावट आएको छ। बजारमा धेरै उताचढावका कारण लगानीकर्ताहरुपनि अन्योलमा परेको देखिन्छ।
बैंकहरूले आज चालु आर्थिक वर्षको पहिलो त्रैमासको वित्तीय विवरण पनि सार्वजानिक गरेका छन। समग्रमा बैंकहरुको वित्तीय विवरण नाफामा रहेकाले यसले बजारमा सकारत्मक प्रभाव पार्न सक्ने अपेक्षा गरिएको छ। साथै, प्राविधिक विश्लेषकका अनुसार पनि बजार अहिले साइडवेज़ ट्रेन्डमा रहेको र केही समय लगाएर बजारले पुन: उकालो यात्रा तय गर्ने अनुमान गरेका छन्।
नेप्से २०.४१ अङ्कले घट्दा सबैभन्दा बढी कसको सेयरमूल्य बढ्यो: आज नेप्से २०.४१ अंकले घट्दा एउटा कम्पनीको सेयर मुल्य मा सकारत्मक सर्किट लागेको छ भने ७६ कम्पनीको सेयरमूल्य बढेको छ । आज धेरै बढ्नेमा क्रमश: आईसीएफसी फाइनान्स, समृद्धि फाइनान्स, मञ्जुश्री फाइनान्स, साहस ऊर्जा र हिमालयन डिस्तिलरी रहेको छ।
नेप्से २०.४१ अङ्कले घट्दा सबैभन्दा बढी कसको सेयरमूल्य घट्यो: आज नेप्से २०.४१ अंकले घट्दा १५५ कम्पनीहरुको सेयरमूल्य घटेको छ। आज धेरै घटनेमा क्रमश: महुली लघुवित्त, हिमालयन बैंक, सिटिजन बैंक, ग्रीन भेन्चरस्, प्रभु बैंक रहेको छ।
प्रतिकृया