गौरा पर्वमा ओलीको स्वागतलाई नाराबाजीले बनायो विवादास्पद

‘केपी …रो पाराले, दु:ख पाए साराले, केपी …र, देश छोड’ जस्ता नाराहरू युवाहरूले चर्को स्वरमा लगाएका थिए।

मञ्चमा देउवासँगै रहेका ओलीविरुद्ध नाराबाजी र हुटिङ भइरहँदा आयोजकहरूले शान्ति ल्याउन प्रयास गरे, तर युवाहरूको अराजक शैलीमा जारी नाराबाजीले कार्यक्रमको माहोल बिगारेको थियो।

प्रधानमन्त्री ओलीले उक्त नाराबाजीप्रति असन्तुष्टि जनाउँदै भने, “नेपालीपन भनेको मेलमिलाप र शान्तिपूर्ण व्यवहार हो। नयाँ पुस्तामा सभ्यता र शिष्टताको कमी देख्दा दुःख लागेको छ।”

उक्त कार्यक्रममा प्रधानमन्त्री ओली प्रमुख अतिथि र पूर्वप्रधानमन्त्री देउवा विशेष अतिथि थिए। गौरा पर्वको सन्दर्भमा अतिथि बन्न पुगेका ओलीलाई अपमानको सामना गर्नु परेकोले आयोजकहरूले पनि चित्त दुखाएका छन्।