अर्थमन्त्री पौडेल भन्छन्, “अहिलेको अभावलाई सम्बोधन गर्नेगरी मौद्रिक नीति ल्याउँदै छौँ”

उपप्रधान एवं अर्थमन्त्री विष्णुप्रसाद पौडेलले अहिलेको अभावलाई सम्बोधन गर्ने गरी मौद्रिक नीति ल्याउँदै गरेको बताएका छन्।

उनले सोमवार मन्त्रालयमा नेपाल होटल संघ (हान) का पदाधिकारीसँगको भेटमा  यस्तो बताएका हुन्। साथै, मौद्रिक नीतिमा छलफल भइरहेको र केही दिनभित्रै मौद्रिक नीति आउने बताएका छन् ।

अर्थमन्त्री पौडेलले पोखरा अन्तर्राष्ट्रिय विमानस्थल र गौतमबुद्ध अन्तर्राष्ट्रिय विमानस्थलबारे आवश्यक छलफल गरेर सञ्चालन गर्ने बताएका छन्। उनले   होटललाई उद्योगको मान्यता दिने कुरामा सरकार गम्भीर रहेको पनि बताएका छन्।