बालुवाटारमा विरोध प्रदर्शनका क्रममा रास्वपाका नेताहरुलाई प्रहरीले गर्यो पक्राउ

राष्ट्रिय स्वतन्त्र पार्टी (रास्वपा) ले पार्टी सभापति रवि लामिछानेको पक्राउविरुद्ध मंगलबार बालुवाटारमा विरोध प्रदर्शन गरेको थियो, जहाँ प्रदर्शनकारीहरूमध्ये केहीलाई प्रहरीले पक्राउ गरेको छ।

रास्वपाले राजनीतिक प्रतिशोध, अन्याय, भ्रष्टाचार, र विकृति विरुद्धको शान्तिपूर्ण प्रदर्शन बालुवाटारमा आयोजना गरेको थियो, जुन क्षेत्र निषेधित मानिन्छ। प्रदर्शनका क्रममा रास्वपाका काठमाडौँ जिल्ला सभापति प्रदीप बिष्ट, ललितपुर जिल्ला सभापति बुद्धरत्न महर्जन, र सदस्यहरू खुसीराम कैनी, जयराम नेपाल, सुरेन्द्र अवाले, नवराज भण्डारी, सहिल प्रयास, उमेश लामा, नवराज मुडभरी, ध्रुव ढकाल र सवि खड्कासमेत १७ जनालाई प्रहरीले पक्राउ गरेको रास्वपाले जनाएको छ।

रास्वपाले शान्तिपूर्ण प्रदर्शनमा प्रहरीले धरपकड गरेको भन्दै विरोध प्रकट गरेको छ।