माउण्ट एभरेष्ट पावर डेभलपमेण्ट लिमिटेडले सर्वसाधारणका लागि निष्काशन गरेको प्रारम्भिक सार्वजनिक निष्काशन (आईपीओ) मा आवेदन दिने भोलि असार ८ गते अन्तिम दिन रहेको छ।
कम्पनीले असार ३ गतेदेखि सर्वसाधारणका लागि १४ लाख २७ हजार ६ सय कित्ता साधारण सेयर बिक्री खुला गरेको थियो। बिक्री प्रबन्धकका अनुसार उक्त आईपीओमा लगानीकर्ताले भोलि बैंकिङ समयभित्र आवेदन दिन सक्नेछन्।
लगानीकर्ताले न्यूनतम १० कित्तादेखि अधिकतम १० हजार कित्तासम्मका लागि आवेदन दिन सक्ने व्यवस्था रहेको छ। आईपीओमा आवेदन दिन इच्छुक लगानीकर्ताले ‘मेरो सेयर’ तथा सी–आस्बा सदस्य बैंक तथा वित्तीय संस्थामार्फत आवेदन दिन सक्नेछन्।
कम्पनीको आईपीओ निष्काशन तथा बिक्री प्रबन्धकको जिम्मेवारी एनआईएमबी एस क्यापिटल लिमिटेडले सम्हालिरहेको छ।
प्रतिकृया