नेपाल आयल निगमले पेट्रोलियम पदार्थको मूल्य घटाएको छ । बुधबार (वैशाख ३) बिहानदेखि लागु हुने गरी पेट्रोल, डिजेल र मट्टीतेलको मूल्य घटाइएको निगमले जनाएको छ ।
पेट्रोल, डिजेल र मट्टीतेलको मूल्य प्रतिलिटर तीन रुपैयाँले घटाइएको निगमले जनाएको छ ।
भारतबाट इन्धनको मूल्य घटेर आएकाले यहाँ पनि सोहीअनुसार समायोजन गरिएको निगमले जनाएको छ ।
पेट्रोलियम पदार्थको नयाँ मूल्यअनुसार काठमाडौं, पोखरा र दिपायलमा पेट्रोल प्रति लिटर १६० रुपैयाँ र मट्टितेल १४६ रुपैयाँ पर्नेछ। सुर्खेत र दाङमा पेट्रोलको मूल्य १५९ रुपैयाँ र मट्टितेलको १४५ रुपैयाँ निर्धारण गरिएको छ।
त्यस्तै, चारआली, विराटनगर, जनकपुर, अमलेखगञ्ज, भलबारी, नेपालगञ्ज, धनगढी र वीरगञ्जमा पेट्रोल प्रति लिटर १५७ रुपैयाँ ५० पैसा र मट्टितेल १४३ रुपैयाँ ५० पैसा पर्नेछ।
प्रतिकृया