नेपाल आयल निगमले डिजेल र मट्टितेलको मूल्य १ रुपैयाँले घटाउने निर्णय गरेको छ। नयाँ मूल्यअनुसार डिजेल तथा मट्टितेलको दर अब पहिलो वर्गमा १४३ रुपैयाँ ५० पैसा, दोस्रो वर्गमा १४५ रुपैयाँ र तेस्रो वर्गमा १४६ रुपैयाँ रहेको निगमले जनाएको छ।
यसैबीच, हवाई इन्धनको मूल्य भने वृद्धि गरिएको छ। भारतबाट मूल्य ५ रुपैयाँ ६२ पैसा बढेर आएपछि आन्तरिक उडानका लागि हवाई इन्धनको मूल्य प्रतिलिटर ६ रुपैयाँले बढाइएको छ।
अन्तर्राष्ट्रिय उडानका लागि काठमाडौँस्थित डिपोबाट आपूर्ति हुने हवाई इन्धनको मूल्य पनि प्रति किलोलिटर ४२ अमेरिकी डलरले वृद्धि गरिएको निगमले जानकारी दिएको छ।
यद्यपि, पेट्रोल र घरेलु एलपी ग्यासको मूल्य यथावत राखिएको निगमले स्पष्ट गरेको छ।
प्रतिकृया