सर्वसाधारणका लागि सुपर खुदी हाइड्रोपावरले कहिलेदेखि निष्काशन गर्दैछ आईपीओ ?

Ads

सुपर खुदी हाइड्रोपावर लिमिटेडले फागुन ४ गतेदेखि सर्वसाधारणका लागि आईपीओ निष्काशन गर्ने भएको छ। कम्पनीले आयोजना प्रभावित क्षेत्रका स्थानीय बासिन्दा तथा वैदेशिक रोजगारीमा रहेका नेपालीहरूका लागि निष्काशन गरेको आईपीओको बाँडफाँड सम्पन्न गरिसकेपछि अब सर्वसाधारण लगानीकर्ताहरूका लागि दोस्रो चरणमा आईपीओ ल्याउन लागेको हो ।

अब कम्पनीले दोस्रो चरणमा कर्मचारीहरूका लागि ३१ हजार कित्ता सेयर छुट्याई बाँकी रहेको १२ करोड ८६ लाख ५० हजार रुपैयाँ बराबरको प्रतिकित्ता १०० रुपैयाँ अंकित मूल्यका १२ लाख ८६ हजार ५०० कित्ता साधारण सेयर सर्वसाधारणका लागि निष्काशन गर्न लागेको हो।

Ads

यस आईपीओमा न्यूनतम १० कित्ता र अधिकतम १ लाख कित्तासम्म आवेदन दिन सकिनेछ। निष्काशन छिटोमा फागुन १० गते बन्द हुनेछ भने पर्याप्त आवेदन नपरेमा ढिलोमा फागुन १९ गतेसम्म खुला रहनेछ।

आईपीओ निष्काशनका लागि गरिएको रेटिङमा केयर रेटिङ नेपालले कम्पनीलाई केयरएनपी डबल बी (CARE-NP BB) इस्यूअर रेटिङ प्रदान गरेको छ, जसले कम्पनीको दायित्व बहन गर्ने क्षमतामा मध्यम स्तरको जोखिम रहेको संकेत गर्दछ।

कम्पनीको शेयर निष्काशन तथा बिक्री प्रबन्धक ग्लोबल आइएमई क्यापिटल लिमिटेड रहेको छ। लगानीकर्ताहरूले नेपाल धितोपत्र बोर्डबाट अनुमति प्राप्त आस्बा सेवामा सहभागी बैंक तथा वित्तीय संस्थाहरूबाट सी-आस्बा प्रणाली मार्फत आवेदन दिन सक्नेछन्।