त्यस्तै, निकिताले आफूसँग करोडौं रकम भएको दाबीलाई अस्वीकार गर्दै आफ्नो आर्थिक स्थिति स्पष्ट पारिन्। “४ करोडमा घर किनेको छु र अहिले पनि त्यसको किस्ता तिरिरहेको छु। यति रकम छ भनेर मिडियाले अनुमान गर्नुभन्दा सोधेको भए बताइदिन्थे नि!” उनको भनाइ छ।

उनले आफ्नो श्रीमान हिरासतमा रहँदा केही सञ्चार माध्यमले संवेदनहीन भएर झुटा आरोप लगाएको आरोप पनि लगाइन्। “श्रीमान थुनामा रहँदा ममाथि मिडियाले देखाएको ‘पुरुषार्थ’ हेर्दा आश्चर्य लागेको छ।” निकिताले मिडिया ट्रायलको गुनासो गर्दै भनेकी छन्, “म तथ्यको पक्षमा छु र प्रमाण कुरिरहेकी छु।”

Ads

निकिता पौडेलको यस प्रतिक्रिया सहकारी ठगी प्रकरणसँग जोडिएको बैंक खातामा करोडौं रकम गएको दाबीबारे आएका समाचारपछि आएको हो। यसैबीच, रवि लामिछानेविरुद्ध कास्की प्रहरीले सहकारी ठगीको अनुसन्धान प्रतिवेदन सरकारी वकिलको कार्यालयमा बुझाइसकेको छ। उनीमाथि अन्य सहकारी ठगीको आरोपमा पनि अनुसन्धान भइरहेको छ।

यो खबर पढेर तपाईलाई कस्तो महसुस भयो ?