सिन्धु विकास बैंकमा जागिर खुल्यो, +२ पास भएकाले आवेदन दिन पाउने

सिन्धु विकास बैंक लिमिटेडले ‘ख’ वर्गको विकास बैंकको रूपमा बनेपा, काभ्रेस्थित आफ्नो कर्पोरेट कार्यालय र अन्य शाखाहरूका लागि जुनियर असिस्टेन्ट पदमा केही कर्मचारीहरू माग गरेको छ। इच्छुक उम्मेदवारहरूले अर्थशास्त्र वा व्यवस्थापन विषयमा न्यूनतम प्लस २ (+२) उत्तीर्ण गरेको हुनुपर्नेछ। आवेदन दिने उम्मेदवारको उमेर ३५ वर्ष ननाघेको हुनुपर्ने र एडभान्स एक्सेल तथा एनआरबी रिपोर्टिङको ज्ञान भएकालाई प्राथमिकता दिइनेछ। साथै, नेपाली र अंग्रेजी भाषामा दक्षता, कम्प्युटर साक्षरता र दुई पाङ्ग्रे सवारी चालक अनुमति पत्र भएका उम्मेदवारहरूलाई प्राथमिकता दिइने बैंकले जनाएको छ। योग्य उम्मेदवारहरूले आफ्नो आवेदन, बायोडाटा, नागरिकताको प्रतिलिपि, शैक्षिक प्रमाणपत्र, र हालसालै खिचिएको फोटो सहित २०८३ असार ४ गते (१८ जुन २०२६) सम्ममा बैंकको इमेल [email protected] मार्फत आवेदन दिन सक्नेछन्।