गैडाकोटमा केन्द्रीय कार्यालय रहेको इन्फिनिटी लघुवित्त वित्तीय संस्था लिमिटेडले केन्द्रीय तथा अनुगमन कार्यालयका लागि केही अनुभवी कर्मचारीहरूको माग गरेको छ। वैशाख १४ गते प्रकाशित सूचना अनुसार नायव प्रमुख कार्यकारी अधिकृत (१ जना), अधिकृत – अनुगमन (केही), र कनिष्ठ अधिकृत – अनुगमन/शाखा प्रमुख (केही) पदहरूमा आवेदन खुला गरिएको छ। शैक्षिक योग्यताको हकमा स्नातक देखि स्नातकोत्तर तह उत्तीर्ण भई बैंक तथा वित्तीय संस्थामा तोकिएको अनुभव भएको हुनुपर्नेछ। आवेदनका लागि ३० देखि ५५ वर्ष (नायव प्रमुख कार्यकारी अधिकृत) र २१ देखि ४० वर्ष (अधिकृत श्रेणी) उमेर तोकिएको छ भने महिलाको हकमा माथिल्लो उमेर हदमा ५ वर्ष थप हुनेछ। इच्छुक उम्मेदवारले सूचना प्रकाशित भएको १५ दिनभित्र संस्थाको आधिकारिक वेबसाइट www.infinitylbsl.com.np को Career सेक्सन मार्फत अनलाइन आवेदन दिनुपर्नेछ। परीक्षा दस्तुर वापत नायव प्रमुख कार्यकारी अधिकृतका लागि रु १,००० र अधिकृत श्रेणीका लागि रु ५०० संस्थाको बैंक खाता वा इसेवा क्युआर मार्फत बुझाउन सकिनेछ।
थप सुचनामा:
