म्यानमारमा शक्तिशाली भूकम्पको धक्का

म्यानमारमा ६ म्याग्निच्युडको भूकम्प गएको छ। जर्मन रिसर्च सेन्टर फर जियोसाइन्सेस (जीएफजेड)का अनुसार भूकम्पको गहिराइ १० किलोमिटर रहेको थियो।

यो भूकम्पको केन्द्रबिन्दु अक्याबबाट करिब ११२ किलोमिटर पूर्वमा थियो। मंगलबार गएको भूकम्पको धक्का भारत र बांग्लादेशसम्म महसुस गरिएको थियो। भारतीय सञ्चारमाध्यमका अनुसार पश्चिम बंगालका धेरै क्षेत्रमा, विशेष गरी कोलकाता र आसपासका ठाउँमा महसुस गरिएको हो।

Ads

Ads

Ads

बांग्लादेशका विभिन्न भागमा पनि धक्का महसुस भएको छ। युरोपेली–भूमध्यसागरीय भूकम्प विज्ञान केन्द्र (ईएमएससी)ले यसलाई विगत केही समयमा म्यानमारमा गएको प्रमुख भूकम्प भएको उल्लेख गरेको छ।

हालसम्म कुनै ठुलो क्षति वा मृत्युको खबर आएको छैन। यो क्षेत्रमा भूकम्प सामान्य भए पनि यसले स्थानीय बासिन्दालाई त्रसित बनाएको छ।