भोलि झापासहित पाँच जिल्लाका केही क्षेत्रमा बिजुली काटिने

झापा, इलाम, पाँचथर, ताप्लेजुङका सम्पूर्ण क्षेत्र तथा मोरङको उर्लाबारी, पथरी र आसपासका क्षेत्रमा भोलि (शनिबार) बिहान ४:०० बजेदेखि दिउँसो ४:०० बजेसम्म १२ घण्टा विद्युत् सेवा अवरुद्ध हुने भएको छ।

नेपाल विद्युत् प्राधिकरणका अनुसार दुहबी–दमक १३२ केभी प्रसारण लाइनअन्तर्गत केरौनस्थित टावर नम्बर ६८ र ६९ को बीचमा ‘डेड–इन्ड टावर’ जडान, प्रसारण लाइन मर्मत तथा सबस्टेशन परीक्षणको काम गर्नुपर्ने भएकाले विद्युत् आपूर्ति बन्द गरिने भएको हो।

Ads

Ads

Ads

सबस्टेशन सञ्चालनमा आएपछि मोरङको बेलबारी, रङ्गेली, उर्लाबारी, पथरीलगायतका क्षेत्रमा गुणस्तरीय, भरपर्दो र नियमित विद्युत् आपूर्ति सुनिश्चित हुनेछ ।