होलीको दिन मापसे गर्नेलाई प्रहरीले यसरी गर्दैछ कडाई

भोलि होली पर्वको अवसरमा काठमाडौं उपत्यका ट्राफिक प्रहरी कार्यालयले दुर्घटना घटाउने प्रयास गर्दै बिहानैदेखि चेकिङ अभियान सञ्चालन गर्दैछ।

बिहान ७ बजेदेखि उपत्यकाभित्रका ७५ स्थानमा चेक प्वाइन्ट राखेर सवारीको कागजात, मादक पदार्थ सेवन, लापसे लगायतका विषयमा परीक्षण गरिनेछ। नियम विपरीत सवारी चलाउने गाडीलाई नियन्त्रणमा लिने तयारी गरिएको छ।

मापसे, लापसे, सिट भन्दा बढी यात्रु बोक्ने, हेलमेट नलगाई सवारी चलाउने जस्ता उलंघन गर्ने सवारीहरू होल्ड गरिनेछन्। चेक प्वाइन्टमा ५०० भन्दा बढी ट्राफिक प्रहरी खटिने छन् र मोबाइल भ्यानको माध्यमबाट लागु पदार्थ सेवन गरेर सवारी चलाएको परीक्षण गरिनेछ।