२१ हजार परीक्षार्थीहरूमा ४ हजार मात्र पास, शाखा अधिकृत परीक्षाको नतिजा सार्वजनिक

लोक सेवा आयोगले शाखा अधिकृत पदका लागि लिएको प्रथम चरणको परीक्षाको नतिजा आज सार्वजनिक गरेको छ। यो परीक्षा चैत ३० गते लिइएको थियो।

आयोगका अनुसार प्रथम चरणको परीक्षामा २१ हजार ८ जना परीक्षार्थी सहभागी भएका थिए। तीमध्ये ४ हजार ३७५ जना मात्र उत्तीर्ण भएका छन्। यसरी, कुल परीक्षार्थीमध्ये २० दशमलब ८२ प्रतिशत मात्र पास भएका छन्।अब प्रथम चरणमा उत्तीर्ण भएका परीक्षार्थीहरूले मात्रै द्वितीय चरणको परीक्षा दिन सक्नेछन्।