अब अमेरिकी नागरिकता ५० लाख डलरमा किन्न पाइने

अमेरिकी पूर्वराष्ट्रपति डोनाल्ड ट्रम्पले ‘ट्रम्प गोल्ड कार्ड’ नामक नयाँ भिसा योजना ल्याएका छन्, जसलाई उनले अमेरिकी नागरिकता प्राप्त गर्ने नयाँ मार्ग को रूपमा प्रस्तुत गरेका छन्।

५० लाख डलरमा ‘गोल्ड कार्ड’

ट्रम्पका अनुसार ५० लाख डलर (६९ करोड रुपैयाँ) मा यो कार्ड किन्न सकिनेछ, जसले ग्रीन कार्डसरहका सुविधा प्रदान गर्नेछ र नागरिकता प्राप्त गर्ने बाटो खुला गर्नेछ। उनले भने, “धनाढ्यहरू अमेरिका आउनेछन्, यहाँ पैसा खर्च गर्नेछन्, कर तिर्नेछन्, र रोजगारी सिर्जना गर्नेछन्।”

Ads

Ads

Ads

हाल अमेरिकी नागरिकता प्राप्त गर्न ईबी-५ भिसा कार्यक्रम रहेको छ, जुन १९९० देखि लागू छ। यस कार्यक्रमअन्तर्गत १ मिलियन डलर लगानी गरी १० रोजगारी सिर्जना गर्ने शर्त राखिएको छ। अब, ‘गोल्ड कार्ड’ ले ईबी-५ भिसालाई प्रतिस्थापन गर्नेछ। अमेरिकी वाणिज्य सचिव हावर्ड लुटनिकका अनुसार दुई हप्ताभित्रै यो नयाँ योजना कार्यान्वयन हुनेछ।

ट्रम्पले १० लाख गोल्ड कार्ड बिक्री गर्ने लक्ष्य राखेका छन्, जसबाट राष्ट्रिय ऋण चुक्ता गर्न मद्दत पुग्ने उनले बताएका छन्। “यो कार्ड पूर्ण रूपमा सुरक्षित हुनेछ र ठगी सम्भव हुने छैन”, उनले थपे।

अमेरिकी कंग्रेसले नागरिकताको मापदण्ड तोक्ने भए पनि गोल्ड कार्ड कार्यक्रम लागू गर्न कंग्रेसको अनुमोदन आवश्यक नपर्ने ट्रम्पले दाबी गरेका छन्।