इजरायलका राष्ट्रपति महामहिम इसाक हेर्जोग र इजरायलस्थित नेपाली राजदूत धनप्रसाद पण्डितबीच टेलिफोन वार्ता भएको छ।
वार्तामा, इजरायली राष्ट्रपतिले २०२३ अक्टोबर ७ मा हमासद्वारा बन्धक बनाइएका नेपाली विद्यार्थी विपिन जोशीको सुरक्षित रिहाइ र स्वदेश फिर्तीका लागि इजरायली सरकारले प्रयास गरिरहेको जानकारी दिएका छन्।
माघ १९ गते, प्यालेस्टिनी समूह हमासले ३ जना बन्धकलाई रिहा गर्यो, जसमा दुई जनालाई गाजाको खान युनिस र एक जनालाई गाजासिटीबाट मुक्त गरियो। उनीहरूको रिहाइ जनवरी १९ मा इजरायल र हमासबीच भएको युद्धविराम सम्झौताअनुसार गरिएको हो।
इजरायलले १ सय ८३ प्यालेस्टिनी बन्दीलाई रिहा गरेको छ र आगामी शनिवार ७० जना अझै रिहा गर्ने तयारीमा छ।
यद्यपि, नेपाली विद्यार्थी विपिन जोशीको रिहाइको बारेमा हमासले केही जानकारी दिएको छैन।
प्रतिकृया