सर्वाधिक नाफा कमाउने बैंक बन्यो नबिल, तेस्रो त्रैमासमा कमायो ५ अर्ब नाफा

नबिल बैंकले चालु आर्थिक वर्षको तेस्रो त्रैमासको वित्तीय विवरण प्रकाशित गरेको छ। वित्तीय विवरण अनुसार बैंकको खुद नाफा ८.२१ प्रतिशतले बढेर ५ अर्ब ५ करोड १४ लाख रुपैयाँमा पुगेको छ। अघिल्लो वर्षको सोही अवधिमा बैंकले ४ अर्ब ६६ करोड ८० लाख रुपैयाँ खुद नाफा कमाएको थियो।

खुद ब्याज आम्दानी घटेपनि इम्पेरमेन्ट चार्ज घटेका कारण बैंकको खुद नाफा बढ्न पुगेको हो।

Ads

Ads

Ads

खुद ब्याज आम्दानी ३.९६ प्रतिशतले घटेर १२ अर्ब ५ करोड रुपैयाँमा आएको छ भने सञ्चालन आम्दानी ०.२० प्रतिशतले घटेर १५ अर्ब ३० करोड रुपैयाँमा सीमित भएको छ। इम्पेयरमेन्ट चार्ज ३ अर्ब २३ करोड रुपैयाँबाट घटेर २ अर्ब २९ करोड रुपैयाँमा आएको छ।

पुरा समाचार पढ्नुहोस्: स्ट्याण्डर्ड चार्टर्ड बैंकको ईपीएसमा गिरावट, खुद नाफा ११ प्रतिशतले घट्यो | BAJARKO CHIRFAR

खराब कर्जा अनुपात ०.३४ प्रतिशतबिन्दुले बढेर १.५९ प्रतिशत पुगेको छ।

Ads

समीक्षा अवधिमा बैंकले ५ खर्ब २ अर्ब १० करोड रुपैयाँ निक्षेप संकलन गरी ४ खर्ब १ अर्ब १६ करोड रुपैयाँ कर्जा प्रवाह गरेको छ।

बैंकको चुक्ता पूँजी २७ अर्ब ५ करोड रुपैयाँ रहेको भने वितरणयोग्य नाफा २ अर्ब ८७ करोड रुपैयाँ र जगेडा कोषमा ३१ अर्ब ३१ करोड रुपैयाँ सञ्चित छ।

समाचार पढ्नुहोस्: इम्पेयरमेन्ट चार्ज बढेपनि एनएमबिको नाफा किन बढ्यो ?

बैंकको प्रतिसेयर आम्दानी (ईपीएस) १ रुपैयाँ ६५ पैसाले बढेर २४ रुपैयाँ ८९ पैसामा पुगेको छ। यस्तै प्रतिसेयर नेटवर्थ २२६ रुपैयाँ ३६ पैसा रहेको छ।

अन्य कम्पनीहरुको तेस्रो त्रैमासको वित्तीय विवरण पढ्न यहाँ क्लिक गर्नुहोस्