सञ्चार तथा सूचना प्रविधिमन्त्री पृथ्वीसुब्बा गुरुङले राजनीतिक अस्थिरताका कारण नेपालको अर्थतन्त्रमा समस्या उत्पन्न भएको बताएका छन्।
नेपाल आर्थिक पत्रकार संघ (नाफिज) को १५औं वार्षिक साधारण सभा एंव सातौं महासभामा बोल्दै उनले राजनीतिक अस्थिरताका कारण अर्थतन्त्रमा अड्चन आएको उल्लेख गरे। उनले दुई प्रमुख दलको सरकारले समस्याहरू समाधान गर्न प्रयास सुरु गरेको बताए।
मन्त्री गुरुङले राजस्व संकलनमा समस्या आएको स्वीकार गर्दै भने, “अर्थतन्त्रमा राजस्व इच्छाएको अनुसार उठ्न सकिरहेको छैन।” उनले भन्सार राजस्वको महत्त्वको बारेमा पनि चर्चा गर्दै, आयातमा गिरावटका कारण यसले राजस्व र पूँजीगत खर्चमा असर पुर्याएको बताए।
गुरुङले सरकारको आगामी कार्यहरूमा सुधारका लागि प्रधानमन्त्रीले सार्वजनिक खरिद ऐनमा संशोधन र नयाँ ऐन ल्याउनका लागि विभिन्न मन्त्रालयलाई निर्देशन दिएको पनि जानकारी दिए।
नीतिगत स्थिरताको कमीलाई अर्थतन्त्रको समस्याको मुख्य कारण मान्दै उनले सरकार जनताप्रति उत्तरदायी हुनुपर्नेमा जोड दिए। “यो सरकार उत्तरदायी देखिन्छ, तर अझै प्रयास गर्न बाँकी छ,” उनले भने।
अन्त्यमा, गुरुङले आर्थिक संकटको प्रमुख कारण नियमनकारी निकायहरूको कठोर नीतिलाई आरोप लगाउँदै सहजीकरण गर्नुपर्ने अवस्थामा कठिन नियमनको काम गलत भएको बताएका छन्।
प्रतिकृया