कस्तुरी फार्मास्युटिकल्सले १६ करोड रुपैयाँ बराबरको आईपीओ जारी गर्ने, बिक्री प्रबन्धकमा रिलायबल क्यापिटल

कस्तुरी फार्मास्युटिकल्स लिमिटेडले प्रारम्भिक सार्वजनिक निष्काशन (आईपीओ) जारी गर्ने तयारी गरेको छ। कम्पनीले आईपीओ निष्काशनका लागि रिलायबल क्यापिटल इन्भेष्टमेन्ट एण्ड मर्चेन्ट बैंकिङ लिमिटेड लाई बिक्री प्रबन्धकमा नियुक्त गरेको छ।

आईपीओ निष्काशन सम्बन्धी सम्झौतामा कस्तुरी फार्मास्युटिकल्सका अध्यक्ष प्रवेक खनाल र रिलायबल क्यापिटलका तर्फबाट ग्रीष्म चालिसेले हस्ताक्षर गरेका छन्।

Ads

Ads

Ads

कम्पनीले करिब १६ करोड रुपैयाँ बराबरको १४ लाख कित्ता साधारण सेयर सर्वसाधारणका लागि निष्काशन गर्ने योजना बनाएको छ। आवश्यक प्रक्रिया पूरा गरी आगामी साउनभित्र आईपीओ जारी गर्ने लक्ष्य कम्पनीले राखेको जनाएको छ।

आईपीओ निष्कासनअघि नियामक निकाय नेपाल धितोपत्र बोर्ड बाट स्वीकृति लिनुपर्ने हुन्छ। बोर्डबाट अनुमति प्राप्त भएपछि कम्पनीले सार्वजनिक निष्काशन प्रक्रिया अघि बढाउने जनाएको छ।