जोशी हाइड्रोपावरले बोलायो २ आर्थिक वर्षको साधारण सभा, के-के छन् मुख्य एजेन्डा ?

जोशी हाइड्रोपावर डेभलपमेन्ट कम्पनीले २ आर्थिक वर्षको वार्षिक साधारण सभा माघ १५ गते बोलाएको छ । कम्पनीले नवौं र दशौं वार्षिक साधारण सभा बोलाएको हो ।सभा सेलिब्रेशन हाईट, सुकेधारा काठमाडौंमा बिहान १० बजेबाट सुरु हुनेछ ।

सभामा आर्थिक वर्ष २०७९–८० र २०८०–८१ को नाफा नोक्सान सम्बन्धी हिसाबका सम्बन्धमा छलफल हुनेछ । आर्थिक वर्ष २०८१–८२ का लागि लेखापरीक्षक नियुक्ति र पारिश्रमिक निर्धारण गर्ने एजेन्डा पनि रहनेछ । तर, कम्पनीले लाभांश सम्बन्धी कुनै प्रस्ताव गरेको छैन । यसर्थ, यो पटक पनि सेयरधनीको हात खाली हुनेछ ।

यस्तै, कम्पनीको रिक्त महिला १ सहित ३ जना सञ्चालकको निर्वाचन गर्ने एजेन्डा पनि छ । सभा प्रयोजनार्थ कम्पनीले माघ ३ गते गते बुक क्लोज गर्ने भएको छ । जस अनुसार माघ २ गतेसम्म कायम सेयरधनीले सभामा भाग लिन पाउने छन् ।