भारतीय रिजर्भ बैंकले आज, अप्रिल ९ मा मौद्रिक नीति समिक्षा बैठकपछि ब्याजदरमा २५ बेसिस प्वाइन्टले कटौती गरेको छ। यो निर्णयसँगै रेपो दर ६ प्रतिशतमा झरेको छ। यो नोवेम्बेर २०२२ येताकै न्युन हो। बैंकका गभर्नर सञ्जय मालहोत्राले बुधबार पत्रकार सम्मेलनमार्फत यो घोषणा गरेका हुन्।
आरबीआईको ६ सदस्यीय मौद्रिक नीति समितिको बैठक अप्रिल ७ देखि ९ सम्म बसेको थियो। सोही बैठकको सर्वसम्मत निर्णयका आधारमा रेपो दर घटाइएको हो। साथै, स्ट्यान्डिङ डिपोजिट फ्यासिलिटी (SDF) दर ५.७५ प्रतिशतमा निर्धारण गरिएको छ भने मार्जिनल स्ट्यान्डिङ फ्यासिलिटी (MSF) र बैंक दर ६.२५ प्रतिशतमा कायम राखिएको छ। यसपटक मौद्रिक नीतिको दृष्टिकोण पनि न्यूट्रलबाट ‘अनुकूल’ (Accommodative) मा परिवर्तन गरिएको छ।
मुद्रास्फीति घट्ने आशा
ब्याजदर कटौतीसँगै आरबीआईले आर्थिक वर्ष २०८२/८३ (FY26) को मुद्रास्फीति पूर्वानुमान समेत परिमार्जन गरेको छ। उपभोक्ता मूल्य सूचकांक (CPI) आधारित मुद्रास्फीति अब ४ प्रतिशतमा सीमित हुने विश्वास गरिएको छ, जुन अघिल्लो ४.२ प्रतिशतको प्रक्षेपण गरिएको थियो ।
वर्षका चार त्रैमासिकका लागि क्रमशः ३.६, ३.९, ३.८ र ४.२ प्रतिशत मुद्रास्फीति हुने अनुमान गरिएको छ। गभर्नर मालहोत्राले मुद्रास्फीतिको जोखिम हाल सन्तुलनमा छ, र ब्याजदर कटौतीले मूल्य स्थिरता कायम गर्न सहयोग गर्ने अपेक्षा गरिएको बताए।
Ads
![ज्याला मजदुरी गर्दै पढे; सेयर बजारले भाग्य बदल्यो: तिलक कोइराला [भिडियोसहित]](https://bajarkochirfar.com/wp-content/uploads/2026/10/HOygnA4BXX4-maxresdefault-150x150.jpg)
प्रतिकृया