प्रतिनिधिसभाले आर्थिक कार्यविधि संशोधन विधेयक स्वीकृत गर्यो

आजको प्रतिनिधिसभा बैठकमा ‘आर्थिक कार्यविधि तथा वित्तीय उत्तरदायित्व (पहिलो संशोधन) विधेयक, २०८१’ माथि विचार गरियोस् भन्ने प्रस्ताव बहुमतले स्वीकृत गरिएको छ। उपप्रधानमन्त्री तथा अर्थमन्त्री विष्णुप्रसाद पौडेलले विधेयकको उद्देश्य बजेट कार्यान्वयनको प्रणालीलाई प्रभावकारी र अनुशासित बनाउनु रहेको बताए।

सांसदहरूले विधेयकको सैद्धान्तिक छलफलमा विभिन्न सुझावहरू प्रस्तुत गरे। सांसदहरूले देशको अर्थव्यवस्था सुधार गर्न, राजस्व चुहावट नियन्त्रण गर्न र बजेट व्यवस्थापनमा सुधार ल्याउनुपर्ने कुरामा जोड दिएका थिए। विधेयकले पुँजीगत खर्च बढाउने र वित्तीय अनुशासनलाई बलियो बनाउने काममा मद्दत गर्ने विश्वास व्यक्त गरिएको छ।

Ads

Ads

Ads

उपप्रधानमन्त्री पौडेलले सरकारको नीतिगत र कानुनी सुधारहरूको सकारात्मक प्रभाव देखिएको र पुँजी प्रवाह गरेर अर्थव्यवस्था सुधार्ने योजना रहेको जानकारी दिए।