सुनकोभाउले रच्यो नयाँ इतिहास ! चाँदीको मूल्य के भयो ?

नेपाली बजारमा मंगलबार पनि सुनचाँदीको मूल्यले नयाँ ऐतिहासिक रेकर्ड कायम गरेको छ। लगातार उकालो लागेको सुनको भाउ आज पुनः हालसम्मकै उच्च विन्दुमा पुगेको हो।

यसअघि सोमबार सुन प्रतितोला ३ लाख ९ हजार रुपैयाँमा कारोबार भई रेकर्ड बनाएको थियो। नेपाल सुनचाँदी व्यवसायी महासंघका अनुसार मंगलबार उक्त मूल्यलाई समेत पार गर्दै सुन प्रतितोला ३ लाख ९ हजार ३ सय रुपैयाँ पुगेको छ। यो अघिल्लो रेकर्डभन्दा प्रतितोला ३ सय रुपैयाँले बढी हो।

Ads

Ads

Ads

चाँदीको मूल्य पनि उस्तै गतिमा बढिरहेको छ। सोमबार प्रतितोला ६ हजार ७ सय ६५ रुपैयाँमा कारोबार भएको चाँदी मंगलबार बढेर ६ हजार ८ सय ७० रुपैयाँ पुगेको महासंघले जनाएको छ। चाँदीको मूल्य अघिल्लो दिनको तुलनामा प्रतितोला १ सय ५ रुपैयाँले बढेको हो।

अन्तर्राष्ट्रिय बजारमा समेत सुनको मूल्य उच्च विन्दुमै कारोबार भइरहेको छ। आज सुन प्रतिऔंस ५ हजार ७२ अमेरिकी डलरमा कारोबार भइरहेको जनाइएको छ।