इंग्ल्यान्डले नेपाललाई जितका लागि १८५ रनको विशाल लक्ष्य प्रस्तुत गरेको छ। वाङ्खडे स्टेडियममा टस जितेर पहिले ब्याटिङ गरेको इंग्ल्यान्डले २० ओभरमा ७ विकेट गुमाएर १८४ रन बनाएको हो।
इंग्ल्यान्डका लागि ज्याकब बेथेलले ३५ बलमा ४ चौका र ४ छक्कासहित सर्वाधिक ५५ रन बनाए। कप्तान ह्यारी ब्रूकले ३२ बलमा ४ चौका र ३ छक्कासहित ५३ रन योगदान गरे भने विल ज्याक्सले १८ बलमा १ चौका र ४ छक्कासहित अविजित ३९ रन बनाए।
नेपालका शेर मल्लले पहिलो बलमै इंग्ल्यान्डका ओपनर फिल साल्टलाई आउट गर्दै शुरुवातमा नै विकेट लिए। ५७/३ को अवस्थामा बेथेल र ब्रूकले चौथो विकेटका लागि ७१ रनको साझेदारी गर्दै इंग्ल्यान्डको इनिङ्स सम्हाले।
बलिङमा नेपालका दीपेन्द्र सिंह ऐरी र नन्दन यादवले २-२ विकेट लिए। डेब्युटान्ट शेर मल्ल र सन्दीप लामिछानेले १-१ विकेट लिए। शेर, आरिफ शेख, लोकेश बम र नन्दन यादवले यसै खेलबाट टी-२० विश्वकपमा नेपालको सिनियर राष्ट्रिय टिममा डेब्यू गरे।
प्रतिकृया