यातायात विभागको डेटा सेन्टरमा समस्या, नयाँ ड्राइभिङ लाइसेन्स आवेदन पुनः बन्द

Ads

यातायात व्यवस्था विभागको डेटा सेन्टरमा फेरि समस्या देखिएको छ । १६ कात्तिकबाट आंशिक रुपमा खुलेको नयाँ लाइसेन्सका लागि आवेदन प्रणाली पुनः बन्द गरिएको विभागले जनाएको छ। विभागका अनुसार, इलेक्ट्रोनिक ड्राइभिङ लाइसेन्स र नयाँ लाइसेन्सका लागि आवेदन दिने सेवा आजबाट अर्को सूचना जारी नभएसम्म रोकिएको छ।

२३ र २४ भदौमा भएको आन्दोलनका कारण विभागमा ठूलो क्षति पुगेको थियो र त्यसपछि १६ कात्तिकबाट आंशिक सञ्चालनमा आएको डेटा सेन्टरमा हाल फेरि प्राविधिक समस्याका कारण सेवा अवरुद्ध भएको हो।