घुस लिएको आरोपमा वन कार्यालय प्रमुखविरुद्ध भ्रष्टाचार मुद्दा दायर

अख्तियार दुरुपयोग अनुसन्धान आयोगले सेवाग्राहीसँग घुस लिएको आरोपमा सब-डिभिजन वन कार्यालय, बन्दीपुर, सिरहाका कार्यालय प्रमुख राम केवल रायविरुद्ध विशेष अदालतमा भ्रष्टाचार मुद्दा दायर गरेको छ।

आयोगका अनुसार काठ उद्योगमा काठ लिएर आएका ट्रकहरूको सिल खोलेको मुचुल्का गरिदिएबापत विभिन्न बहाना बनाई सेवाग्राहीलाई दुःख दिँदै बार्गेनिङ गरेर घुस लिएको आरोपमा रायविरुद्ध आरोपपत्र दायर गरिएको हो।

Ads

Ads

Ads

आयोगले भ्रष्टाचार निवारण ऐन, २०५९ को दफा ३ को उपदफा (१) बमोजिमको कसुरमा १९ हजार रुपैयाँ बिगो कायम गर्दै सोहीबमोजिम कैद र जरिवानाको सजाय मागदाबी गरेको छ।