नेपाली बजारमा मिनी इलेक्ट्रिक कार खोज्नेका लागि हिमालयन ईभी प्रालिले नयाँ विकल्प ‘एनयू सनसाइन’ सार्वजनिक गरेको छ। यसको मूल्य १० लाख ९० हजार रुपैयाँ तोकिएको छ। पेट्रोल र ब्याट्री दुवैबाट चल्ने यो कार सहरभित्रको यात्रा लागि उपयुक्त छ।
यसमा १० किलोवाट क्षमताको मोटर र ६ किलोवाट–आवरको लिथियम आइरन फोस्फेट ब्याट्री जडान गरिएको छ, जसले एकपटकको फुल चार्जमा १०० किमी रेन्ज दिने कम्पनीको दाबी छ। यसको अधिकतम गति ४८ किमी प्रतिघण्टा हो। विशेषतास्वरूप यसमा ४ लिटरको पेट्रोल ट्याङ्कसहितको जेनेरेटर पनि छ, जसले ब्याट्री सकिएपछि चार्ज गर्न मिल्छ।
५ ढोका भएको यो मिनी कारमा ४ जनाले आरामले यात्रा गर्न सक्छन्। यसमा १२ इन्चको ह्वील, १५० मिमी ग्राउन्ड क्लियरेन्स, डिस्क ब्रेक, एसी र इन्डिपेन्डेन्ट सस्पेन्सनजस्ता सुविधा छन्।
मोटरमा २ वर्ष र ब्याट्रीमा ३ वर्ष वा ३०,००० किमिको वारेन्टी दिइएको छ। लन्च अफरमा बीमा, रोड ट्याक्स र स्क्र्याच कुपनमार्फत १ लाख रुपैयाँसम्मको छुट उपलब्ध छ।
प्रतिकृया