सर्वसाधारणका लागि बुङ्गल हाइड्रोको आईपीओ आजदेखि खुल्यो, कति कित्तासम्म भर्न पाइने ?

बुङ्गल हाइड्रो लिमिटेडले आज (भदौ १६ गते) देखि सर्वसाधारण लगानीकर्ताका लागि साधारण सेयर (आईपीओ) निष्काशन सुरु गरेको छ।

यसअघि आयोजना प्रभावित क्षेत्रका स्थानीय बासिन्दा र वैदेशिक रोजगारीमा रहेका नेपालीका लागि छुट्याइएको आईपीओ निष्काशन भइसकेको छ।

Ads

Ads

Ads

कम्पनीलाई जारी पूँजी ८३ करोड रुपैयाँको ३५ प्रतिशत अर्थात् २९ करोड ५ लाख रुपैयाँ बराबरका २९ लाख ५ हजार कित्ता साधारण सेयर निष्काशन गर्ने अनुमति प्राप्त भएको थियो। यसमध्ये ८ लाख ३० हजार ८२४ कित्ता आयोजना प्रभावित क्षेत्रका स्थानीय बासिन्दाका लागि, २ लाख ७ हजार ५०० कित्ता वैदेशिक रोजगारीमा रहेका नेपालीका लागि, १ लाख ३ हजार ७५० कित्ता सामूहिक लगानी कोषका लागि र ६२ हजार २५० कित्ता कर्मचारीका लागि सुरक्षित राखिएको छ।

अब दोस्रो चरणमा कम्पनीले सर्वसाधारण लगानीकर्ताका लागि प्रतिकित्ता १०० रुपैयाँ अंकित मूल्यका १७ लाख १ हजार ५०० कित्ता साधारण सेयर निष्काशन गर्दैछ, जसको कुल मूल्य १७ करोड १ लाख ५० हजार रुपैयाँ हुन्छ।

लगानीकर्ताले न्यूनतम १० कित्ता र अधिकतम २० हजार कित्तासम्म आवेदन दिन सक्ने व्यवस्था गरिएको छ। आईपीओ आवेदन अवधि छिटोमा भदौ १९ गते र ढिलोमा भदौ ३० गतेसम्म रहनेछ।

Ads

यस निष्काशनलाई केयर रेटिङ नेपालले CARENP-B (Single B Issuer Rating) प्रदान गरेको छ, जसले कम्पनीको दायित्व पूरा गर्ने क्षमतामा औसत स्तरको जोखिम रहेको जनाउँछ। कम्पनीको सेयर निष्काशन तथा बिक्री प्रबन्धक हिमालयन क्यापिटल लिमिटेड रहेको छ।