सरकारले आगामी आर्थिक वर्ष २०८२/८३ का लागि ल्याएको बजेट भोलि (असार १० गते) संघीय संसदको बैठकमा निर्णयार्थ पेश गर्ने तयारी गरेको छ।
बजेटमाथिको सामान्य तथा मन्त्रालयगत छलफल सकिएपछि अहिले मन्त्रीहरू जवाफ दिने चरणमा छन्। संघीय संसद सचिवालयका अनुसार, मंगलबारको बैठकमा विनियोजन विधेयक निर्णयार्थ पेश गरिनेछ।
बजेटप्रति सत्ता गठबन्धनमै रहेका केही सांसदहरू असन्तुष्ट देखिएका छन्। यस्तैमा, सत्तारूढ दल नेकपा (एमाले) ले आफ्ना सांसदहरूलाई अनिवार्य उपस्थिति र विधेयकको पक्षमा मतदान गर्न ह्विप जारी गरेको छ। संसदीय दलका प्रमुख सचेतक महेशकुमार बर्तौलाले मंगलबारको बैठकमा अनिवार्य रूपमा उपस्थित भई विधेयकको समर्थनमा मतदान गर्न निर्देशन दिएका छन्।
![Trend Analysis गरेर Share Market बढ्न वा घट्नसक्ने कुरा कसरी थाहा पाउने ? Technical Training Day 2 [भिडियोसहित]](https://bajarkochirfar.com/wp-content/uploads/2026/08/81-m4gKqcN4-maxresdefault-150x150.jpg)
प्रतिकृया