बरुण हाइड्रोपावरले १०० प्रतिशत हकप्रद सेयर निष्काशन गर्ने, धितोपत्र बोर्डबाट पायो अनुमति

बरुण हाइड्रोपावर कम्पनी लिमिटेडले हकप्रद सेयर निष्काशनको अनुमति पाएको छ। नेपाल धितोपत्र बोर्डले कम्पनीलाई २०८१ साल जेठ ६ गते १:१ को अनुपातमा हकप्रद निष्काशनको स्वीकृति दिएको हो।

यसअनुसार कम्पनीले हालको चुक्ता पुँजीको १०० प्रतिशत बराबरको हकप्रद सेयर जारी गर्नेछ।

यो निष्काशन अन्तर्गत कम्पनीले जम्मा ५३ लाख ५८ हजार १ सय ५० कित्ता हकप्रद सेयर सार्वजनिक गर्नेछ, जसको कुल रकम ५३ करोड ५८ लाख १५ हजार रुपैयाँ हुनेछ।

यस हकप्रद सेयर निष्काशनको बिक्री व्यवस्थापनको जिम्मा आरबिबि मर्चेन्ट बैंकिङ लिमिटेडलाई दिइएको छ।