आज धेरै बढ्ने १० कम्पनीमध्ये ५ वटा बैंक, एनआईसी एशिया र सिटिजन्ससहित बैंकिङ सेक्टरको कमब्याक

Ads

आज नेप्से परिसूचक ६४.६९ अंकले बढेर २८७७ बिन्दुमा पुगेको छ। सेयरबजारमा आज २१ अर्बभन्दा बढीको कारोबार भएको छ। आज २४० कम्पनीको शेयरमूल्य बढेको छ। धेरै कारोबार गर्ने १० कम्पनीमध्ये ५ वटा बैंकिङ कम्पनी रहेका छन्, जसले बैंकिङ समूहप्रति लगानीकर्ताको आकर्षण बढिरहेको देखाउँछ। विकास बैंक र वाणिज्य बैंक गरेर ५ कम्पनीको शेयर बढेको छ।

आज ५ कम्पनीको शेयरमूल्यमा सकारात्मक सर्किट लागेको छ। सर्किट लाग्नेमा सलापा विकास बैंक, कर्पोरेट डेभलपमेन्ट बैंक, रिलायन्स स्पिनिङ मिल्स, सोलु हाइड्रोपावर र होटल फरेस्ट इन रहेका छन्। यी कम्पनीको मूल्य १० प्रतिशतले बढेर उकालो लागेको छ। त्यस्तै, साञ्जेन जलविद्युत ८ प्रतिशतले बढ्दै ३३९ रुपैयाँ पुगेको छ भने अपर तामाकोशी ७.५३ प्रतिशतले बढेर ७औं स्थानमा रहेको छ।

Ads

बैंकिङ सेक्टरतर्फ एनआईसी एशिया बैंक, सिटिजन्स बैंक र माछापुच्छ्रे बैंक पनि सबैभन्दा बढ्ने १० कम्पनीमा परेका छन्। एनआईसी एशिया बैंक ६.०९ प्रतिशतले बढ्दै ३६६ रुपैयाँ पुगेको छ। सिटिजन्स बैंक ५.८३ प्रतिशतले बढ्दै २२७ रुपैयाँमा पुगेको छ भने माछापुच्छ्रे बैंक ५.५८ प्रतिशतले बढ्दै २६६ रुपैयाँ पुगेको छ।

समग्रमा आजको बजारले सकारात्मक माहोल कायम गरेको छ।