१५ लाख कित्ता आइपीओ निष्काशन गर्दै एरो फर्मास्युटिकल्स, बिक्री प्रबन्धकमा ग्लोबल आइएमई क्यापिटल

एरो फर्मास्युटिकल्स लिमिटेडले सर्वसाधारणका लागि १५ लाख कित्ता साधारण सेयर (आईपीओ) सार्वजनिक निष्काशन गर्ने भएको छ। कम्पनीले प्रति सेयर १०० रुपैयाँ अंकित मूल्यमा सेयर जारी गर्न लागेको हो।

आईपीओ निष्काशनका लागि कम्पनीले ग्लोबल आइएमई क्यापिटल लिमिटेडलाई निष्कासन तथा बिक्री प्रबन्धकको रूपमा नियुक्त गरेको छ। सो सम्बन्धमा बिहीवार ग्लोबल आइएमई क्यापिटलको केन्द्रीय कार्यालय नक्सालमा आयोजित एक समारोहमा, एरो फर्मास्युटिकल्सका सञ्चालक समितिका अध्यक्ष उद्धव प्रसाद मैनाली र ग्लोबल आइएमई क्यापिटलका प्रमुख कार्यकारी अधिकृत मन्दिप लुइटेलबीच सेयर निष्कासनसम्बन्धी औपचारिक सम्झौतापत्रमा हस्ताक्षर गरिएको हो।

एरो फर्मास्युटिकल्सको अधिकृत पुँजी १ अर्ब रुपैयाँ र जारी पुँजी ७५ करोड रुपैयाँ रहेको छ। कम्पनीको मुख्य कार्यालय काठमाडौं महानगरपालिका–३, बसुन्धरामा रहेको छ भने औषधि उत्पादन गर्ने कारखाना भक्तपुरको सुडालमा अवस्थित छ।