गरिमा समृद्धि म्युचुअल फण्डमा आवेदन खुला, पुष ११ गतेसम्म मौका

Ads

गरिमा समृद्धि म्युचुअल फण्डमा आवेदन खुला, पुष ११ गतेसम्म मौका गरिमा क्यापिटल लिमिटेडको पहिलो म्युचुअल फण्ड योजना, गरिमा समृद्धि योजना का लागि आज पुस ७ गतेदेखि आवेदन खुला भएको छ।

क्यापिटलले प्रति इकाई १० रुपैयाँ अंकित दरमा कुल १० करोड इकाई बिक्रीमा ल्याएको हो। यस योजनाको कुल आकार १ अर्ब रुपैयाँ रहेको छ। निष्कासन गरिएका इकाई मध्ये १४ प्रतिशत अर्थात् १ करोड ४० लाख इकाई कोष प्रवर्धक गरिमा विकास बैंकका लागि सुरक्षित गरिएको छ भने १० लाख इकाई योजना व्यवस्थापक कम्पनी गरिमा क्यापिटल लिमिटेडका लागि छुट्याइएको छ।

Ads

बाँकी ८ करोड ५० लाख इकाई सर्वसाधारणलाई बिक्री गरिनेछ। सर्वसाधारण लगानीकर्ताले न्यूनतम १०० इकाईदेखि अधिकतम १ करोड इकाई सम्म आवेदन दिन सक्नेछन् । यस योजनामा आज पुष ७ गतेदेखि पुस ११ गतेसम्म आवेदन दिन सकिनेछ।

यदि यस अवधिमा पर्याप्त आवेदन नपरेमा आवेदन म्याद पुस २१ गतेसम्म थप हुनेछ । योजनाको निष्कासन तथा बिक्री प्रबन्धकमा एनआइएमबी एस क्यापिटल लिमिटेड रहेको छ। यो बन्दमुखी योजना १० वर्ष अवधिको हुनेछ। आवेदनका लागि धितोपत्र बोर्डबाट आश्वा अनुमति लिएका सम्पूर्ण बैंक तथा वित्तीय संस्था र मेरो सेयर वेब तथा एप प्रयोग गर्न सकिनेछ।