एकले अर्कोको विरोध गरेर देश बन्दैन्: अर्थमन्त्री पौडेल

अर्थमन्त्री विष्णुप्रसाद पौडेलले निर्माण व्यवसायी र सरकारबीचको सम्बन्धलाई “नङ र मासु” जस्तो गहिरो र आपसी सहकार्ययुक्त हुनुपर्ने बताएका छन्।

शनिबार काठमाडौंमा आयोजित “विकास बजेटको परिचालनः सरकार र निजी क्षेत्रको भूमिका” विषयक अन्तरक्रियामा सम्बोधन गर्दै उनले सरकार र निर्माण व्यवसायीबीच सहकार्य राष्ट्र निर्माणका लागि अनिवार्य भएको बताए।

Ads

“हामी नदीका दुई किनारा होइनौं,” उनले भने, “हाम्रो साझा जिम्मेवारी राष्ट्र निर्माण हो, जसका लागि एकअर्काको सहयोग आवश्यक छ।” उनले सरकार र व्यवसायीबीच विरोधको स्थान नरहेको र साझा अभिभारामा सँगै अघि बढ्नुपर्नेमा जोड दिए।

पौडेलले सम्बन्ध बिग्रने कुनै पनि प्रवृत्ति रोक्न आवश्यक रहेको बताउँदै, “यो सम्बन्ध डिरेल हुन नदिन ट्रयाकमा राख्न जरुरी छ।”