राष्ट्रिय प्रसारण ग्रीड कम्पनीको सीईओका लागि ७ जना सर्टलिस्टमा, कस्ले मार्ला बाजी ?

Ads

राष्ट्रिय प्रसारण ग्रीड कम्पनीले प्रमुख कार्यकारी अधिकृत (सीईओ) नियुक्त गर्न आवेदन आह्वान गरेकोमा ७ जना सर्टलिस्ट भएका छन्।

माघ २८ गते खुलेको विज्ञापनमार्फत आवेदन दिएका उम्मेदवारमध्ये केदार राज सिलवाल, जितेन्द्र चौधरी, महेन्द्र पौडेल, रामजी भण्डारी, रोशन अग्रवाल, रोहिणी पौडेल र सागर श्रेष्ठ सर्टलिस्टमा परेका हुन्।

Ads

पूर्व सीईओ डा. नेत्र ज्ञवालीको दोस्रो कार्यकाल समाप्त भएपछि रिक्त पदका लागि प्रक्रिया अघि बढाइएको हो। सर्टलिस्टमा परेकाहरूलाई चैत १७ र १८ गते अन्तर्वार्ताका लागि बोलाइएको छ।

पूर्ण सरकारी स्वामित्वको राष्ट्रिय प्रसारण ग्रीड कम्पनीले ठूला प्रसारणलाइन निर्माण गर्दै आएको छ, जसअन्तर्गत हाल करिब एक दर्जन प्रसारणलाइन निर्माणको प्रक्रिया अघि बढाइएको छ।