विश्वका पासपोर्टहरूको स्तर हालै हेन्ले पासपोर्ट इन्डेक्सले सार्वजनिक गरेको छ, जसअनुसार नेपाल विश्वका सबैभन्दा कमजोर सात पासपोर्टमा एक रहेको छ। नेपाली पासपोर्टले केवल ३९ देशमा भिसाविना जान सकिन्छ र यसले १०० औं स्थानमा स्थान पाएको छ। नेपालसँगै लिबिया पनि सोही स्थानमा छ, र नेपालमुनि क्रमशः सोमालिया, पाकिस्तान, यमन, इराक, सिरिया र अफगानिस्तानका पासपोर्टहरूको अवस्था छ।
दक्षिण एसियाली अन्य देशहरूको अवस्था पनि कमजोर देखिन्छ। पाकिस्तानको पासपोर्ट १०१ औं स्थानमा छ, जसबाट ३३ देशमा यात्रा गर्न सकिन्छ, जबकि अफगानिस्तानको पासपोर्ट १०५ औं स्थानमा छ र यसबाट २६ देशमा मात्र सहज यात्रा गर्न सकिन्छ। भुटानको पासपोर्ट ८९ औं स्थानमा छ, जसबाट ५२ देशमा जान सकिन्छ। बंगलादेशको पासपोर्ट ९९ औं स्थानमा छ र यसबाट ४० देशमा यात्रा गर्न सकिन्छ। श्रीलंकाको पासपोर्ट ९५ औं स्थानमा छ र ४४ देशमा जान सकिन्छ। भारतको पासपोर्ट ८३ औं स्थानमा छ, जसबाट ५८ देशमा यात्रा गर्न सकिन्छ, र यसको वरीयता सेनेगलसँग समान छ।
दक्षिण एसियामा सबैभन्दा बलियो पासपोर्ट भनेको माल्दिभ्सको हो, जसको वरीयता ५३ औं छ र यसबाट ९४ देशमा सहज यात्रा गर्न सकिन्छ।
विश्वका शीर्ष ६ शक्तिशाली पासपोर्टमा सिंगापुरको पासपोर्ट पहिलो स्थानमा छ, जसबाट १९५ देशमा सहज यात्रा गर्न सकिन्छ। दोस्रो स्थानमा पाँच देशका पासपोर्ट छन्, जसले १९२ देशमा यात्रा गर्न अनुमति दिन्छ। यी देशहरूमा फ्रान्स, जर्मनी, इटाली, जापान र स्पेन समावेश छन्।
प्रतिकृया