रास्वपाको चिया-खाजामै १७ लाख खर्च, अन्य खर्च कति?

राष्ट्रिय स्वतन्त्र पार्टी (रास्वपा)ले आफ्नो एक वर्षमा ५ करोड ६४ लाख ८१ हजार ७२३ रुपैयाँ खर्च गरेको छ। मंगलबारदेखि राजधानीमा सुरु भएको राष्ट्रिय भेलामा प्रस्तुत गरिएको आय–व्यय विवरण अनुसार पार्टीले ५ करोड ६४ लाख ८१ हजार ७२३ रुपैयाँ  खर्च गरेको हो।

आर्थिक वर्ष २०८०/०८१ मा रास्वपाले ३ करोड ४२ लाख ३९ हजार रुपैयाँ कार्यालय सञ्चालनमा खर्च गरेको देखिएको छ। यसैगरी, पुँजीगत खर्चतर्फ २ करोड ७५ लाख रुपैयाँ र निर्वाचन खर्चका लागि १४ लाख ९० हजार रुपैयाँ खर्च भएको उल्लेख गरिएको छ।

Ads

Ads

Ads

खर्च विवरणमा चिया तथा खाजामा मात्रै झन्डै १७ लाख खर्च गरिएको छ। प्रतिवेदनमा चिया र खाजातर्फ १६ लाख ७८ हजार ३९६ रुपैयाँ खर्च भएको  छ ।साथै,  पुँजीगत खर्च १ करोड ५४ लाख ८२ हजार ५५०, निर्वाचनमा १५ लाख ७७ हजार ७८४ र प्रशिक्षणमा ३७ लाख ९ हजार ७६४ रुपैयाँ  खर्च भएको उल्लेख गरिएको  छ। यस अवधिमा पार्टीले आम्दानी  भने जम्मा ३ करोड ४० लाख रुपैयाँमात्र गरेको उल्लेख छ।