भारतमा आज (सोमबार) देखि तीन आपराधिक कानुन कार्यान्वयनमा ल्याइएको छ, जुन कानुनमा भारतीय न्याय संहिता, भारतीय नागरिक सुरक्षा संहिता र भारतीय साक्ष्य अधिनियम छन् ।
यी कानुन गत वर्ष संसद्का दुवै सदनबाट ध्वतिमतका साथ पारित गरिएको थियो । त्यति बेला विधेयकमाथि दुवै सदनमा करिब पाँच घण्टा बहस भएको थियो । त्यसक्रममा विपक्षका १४० भन्दा बढी सांसदलाई निलम्बन गरिएको थियो ।
नयाँ कानुनमा महिला सुरक्षा सम्बन्धि प्रावधानमा महिलालाई विवाह, रोजगारी, पद्दोनतीको झुटो बहाना गरेर अथवा आफ्नो पहिचान लुकाएर यौनसम्पर्क गर्नेलाई १० बर्षको जेल र जरिवाना लाग्ने, पुर्व विवाहलाई लुकाएर दोस्रो विवाह गर्नेलाई १० वर्षको जेल सजाय र जरिवाना लाग्ने छ, विवाहको वाचा गरेर धोका दिनेलाई १० वर्ष जेल हुने छ ।
नयाँ कानुनमा बालबालिकाको अधिकार रक्षाको लागी १८ वर्ष भन्दा कम उमेरकालाई बालबालिकाको श्रेणीमा राखिएको छ साथै नाबालिकको खरिद विक्री गर्नेलाई १४ वर्षको जेल सजाय हुने व्यबस्था गरिएको छ ।
#bajarkochirfar #bazarkochirfar
Ads
प्रतिकृया